Атамекен Сарысу құтты қоныс.
Жарқын сенің ертеңің, келешегің,
Ынтымақтың ордасы, берекенің.
Жер жаннаты шұрайлы Сарысуым,
Бергенімнен көп саған, берешегім !
Төрт түлік мал жамырап өрістегі,
Жаңатастың фосфорлы кеніштері.
Қаратаудың күнгейі, теріскейі,
Жатқандай бір құттықтап тегіс сені !
Талай кезген тау-тасын, жалы-құмын,
Саудакент пен Байқадам таныс ұғым.
Бұзаушоқы, Ақтоғай, Үшбас, Көкжон,
Айналайын, құт мекен Сарысуым !
Ақын-жүрек таппады тағат-тыгым,
Қойсам ба екен жылжытып сағат тілін.
Сағынғанда кештерін Жайлаукөлдің,
Жағалауын құмдауыт Шабақтының !
Қарасаңыз бір уақыт назар салып,
Кеткендей ме гүлденіп ажарланып.
Саған арнап мерейтой, мерекеңе,
Талай ақын өлең-жыр назары анық.
Арасында гүлдердің төбедегі,
Жасырынып қалған ба көбелегі.
Күн күркіреп, найзаға жарқ-жұрқ етіп,
Аспаннан нұр артынша себеледі.
Жаусын жаңбыр, ақ жауын себелесін,
Сарысудың кеңейтіп керегесін.
Көтерсін бір халықтың делебесін,
Шағалалы, Бүркітті, Дегересім !
Сағынғанда Көкжонның көсегесін,
Жусаны мен жуасын, бетегесін.
Жыр жолдары төгілген жүрегімнен,
Шабытымды тек алға жетелесін !
Үндестірген үйлесім, жарасымын,
Ақын ғана түсінер дала сырын.
Əдет-ғұрпын, дәстүрін сол даланың,
Қадірлеген қазақтың баласымын.
Бір бойынан табылған ақыл дарын,
Оңай емес түсіну ақын жанын.
Жыр жолдары арқылы деп біліңдер,
Сарысуға бəріңді шақырғаным !!!
Авторы: Сұраш Ұзақбай Арапбайұлы
Поштасы 24122019n@gmail.com