Құдайберген Қайрат Жолдыбайұлы Қазақстан республикасының құрметті мәдениет қайраткері, актер, сазгер ақын 26.02.1960 жылы Алматы облысы Нарынқол ауданы Қайнар ауылында, ағаш ұста шебері, өнерлі отбасында дүниеге келді. Ұлы жүз, Албан руының абыз Шоған би ұрпағының Елібай тармағынан.
1967-1977 жылдары Нарынқол ауданы Текес орта мектебін аяқтаған. Отбасылы, 2 ұл 1 қыздың тәрбиелеп, 6 немеренің атасы. 1977-1982 жылдары Москва Мемлекеттік Театр Өнер Иститутында («ГИТИС» имени А.В. Луначарского РАТИ) актер драма және кино актері мамандығы бойынша білім алған. Еңбек жолын 1982 жылдан осы уақытқа дейін жалғастырып келеді. 1982 жылы С. Сейфуллин атындағы Қарағанды облыстық театрынан бастаған. 1983-1985 жылдары Кеңес армия қатарында, 1985-1986 жылдары Қарағанды облыстық филармониясында эстрада вокалды “Гакку” ансамблінде көркемсөз әртісі болып жұмыс атқарған. 1986жылдан Алматы облыстық Сүйінбай атындағы филармониясының директоры К.Туяқавтың шақыруы бойынша көркемсөз әртісі болып жұмысқа қабылданды. 1980 жылдан осы уақытқа дейін Украин киностудиясы Довженко, В.Кетлинская романы бойынша “Мужество” фильмінде, Мосфильм ”Великий самоед” фильмінде, Қазақфильм “Отчим” , Ақын 2021жыл. Әртүрлі киностудияларымен түсірілген “Олимп шыңы”, “Саған сенемін”, “Ауыл сақшысы”, Аяулы арман” т.б 30 дан астам кинофильмдерде және 2 деректі фильмдерде, 2 музыкалық бейнебаянда, 1 жарнама ролигінде әртүрлі рөлдерді сомдады. 1992жылдары Марат Сахатовтың қазақ телевидениесінде “Кеш жарық” , Қойшығұл Жылқышиевтің бастауымен Қазақ телевидениесінде Телевизиялық тамаша театры “ТТТ’, 2005 жылдарында белгілі сатирик Көпен Әмірбектің “Ара болады , шаққан жері жара болады”, Қазақстан халық әртісі Құдайберген Сұлтанбаев театрында, “Терісқақпай” комедия театрында актер болып қызмет істеді. Осы күнге дейін жұмыстан тысшәкірт дайындаумен келеді. Шәкіртері ҚР еңбек сіңірген қайраткері Дархан Дайырбек болса , шәкірттері Жүргенов атындағы театр және өнер академиясына, Ж.Елебеков атындағы Республикалық цирк және эстрада колледжіне актер мамандықтары бойынша оқуға қабылданды. М.Мақатаевтың сөзіне жазылған «Соқпақ» өлеңіне әуен, және де «Шетел және қазақ музыкасының қосындысы» (Шақыр-шұқыр пародия), Ойбай салдым, Үридім айдай сияқты әзіл әндердің авторы. Қазақстан авторлық қоғамының мүшесімін. Осы уақытқа дейін Халықаралық және 1-Республикалық эстрада әртістері байқауының 1 ші жүлде лауреаты атанып, Қазақ хандығының 550 жылдық мерекесінің естелік медалін және ТURKSOY алғыс хатының иегері. 2019 жылы “Ұлыдала” Респуликалық қоғамдық бірлестігінің Қасым-Хан атындағы “Алмас Қылыш”сыйлығымен, 2021 жылы Мұқағали Мақатаев атындағы халықаралық қоғамдық қорының дипломымен, 2021 жылы Алматы облыстық мәдениет және тілдер басқармасының бастығы Көлбаев Марлен Қапашұлынан “Құрмет грамотасы” сонымен қатар Қоғамдық марапаттар жөніндегі Республикалық Кеңестіңеліміздің мәдениет саласына сіңірген еңбегі үшін “Қазақ мәдениетінің қайраткері” атағымен марапатталған. 2011 жылы Талдықорған қаласы әкімінің қолдауымен «Талдықорған әуендері» фольклорлық ән би ансамблін құрып көркемдік жетекші қызметін, 2015-2017 жылдары аралығында Сүйінбай атындағы облыстық филармониясында бас директордың орынбасары қызметін атқарды. Осы күнге дейін мәдениет саласында қызметін жалғастырып келе жатқан дарынды мәдениет қайраткері.