Шығанақ Ақмырзаұлы – тарихи тұлға, Ығылман Шөрекұлының \”Исатай-Махамбет\” дастанында есімі аталатын би, Кіші жүз Байұлы құрмаындағы Ысық руының ықпалды биі. 1837 жылдың соңында Исатай бір топ сарбазымен Бөкейліктен кетіп, Жайықтан өткенде оларды Орал казачествосы әскері Баймағамбет сұлтан Айшуақов қолға түсіруге тырысады. Сұлтан Бұқар беттегі қазақтарға жарлық шашып, \”бүлікшілерге ешкім көмектеспеуін\” қатаң тапсырған. Бірақ осы тыйымға қарамастан Шығанақ би Исатайды қасына ерген жолдастарымен қоса Тайсоғанның қойнауындағы өз қонысында қарсалып, бірнеше күн қонағасы беріп, әбден тынықтырып, мініс ат беріп шығарып салған. Кейін осы әрекеті үшін патша өкіметі тарапынан қысымға да алынғаны ел арасында айтылады.
Мақала \”Бәйтерек Кіші жүз, Байұлы, Ысық руының шежіресі\” Екінші кітап авторы Жұмағұлов Марат Дәулетбайұлы \”Принт-Плюс баспасы\” Алматы 2009 жыл. .