Еркін 1974 жылдың 18 ақпаны күні Маңғыстау облысы Қарақия (бұрынғы Ералиев) ауданының орталығы Құрық (Ералы ) кентінде дүниеге келген.Сол жердегі мектепте 8 сыныпты бітіріп, содан Алматы қаласындағы құрылыс техникумының құрылыс факультетіне оқуға қабылданып, 1994 жылы техник-құрлысшы мамандығы бойынша бітірген. Білімін одан әрі жалғастыру үшін сол жылы Ш. Есенов атындағы Ақтау техникалық университетіне
түсіп, оны 2000 жылы инженер-құрлысшы мамандығы бойынша бітіреді.
1991- 1996 жылдар арасында КЭ МНГР -ге (Маңғышлақ мұнай –газ барлау кешенді экспедиция) қарасты, Құрық кентіндегі СМУ-да (Құрылыс монтаж басқармасы) столярдан бастап, учаскенің құрылыс шеберіне дейінгі еңбек жолынан өтеді. 1996 – 1998 жылдар Жетібай кентінде ММГ АҚ-ның ПМК -2 мекемесінде құрылыс шебері, 1998-2001 жылдары Қарақия аудандық салық инспекциясында жетекші салық инспекторы, 2001-2002 жылдары Қарақия аудандық әкімшілігінде өндіріс және төтенше жағдайлар бойынша бас маман болып қызметтер атқарды. 2002 жылдың қыркүйек айынан бастап ММГ АҚ-ның әлеуметтік – әкімшілік бөлімінде инженер – құрылысшы, 2006 -2009 жылдары менеджер, 2009 жылдан қазіргі уақытқа дейін өзіне сеніп тапсырылған қызметті абыроймен атқарып келеді.
Сондай – ақ, Тоқтамыс атаға берілген аста да, белсенділік танытып, өзіне сеніп тапсырылған шаруашылық бөлімін ұйымдастырып, мінсіз атқарып шығып халықтың ықыласына бөленді.
Қызмет атқарған жылдардағы еңбектері де елеусіз қалмай аудан, облыс, мұнай – газ саласында, «Нұр отан» партиясынан да бірнеше мәрте мадақтауларға ие болды.
Облыс әкімінің алғысы,
Маңғыстау мұнайына 50 жыл төсбелгісі,
ҚазЭнерджи ассоциациясының Құрмет грамотасы және т.б.